17 сәуір күні мемлекет басшысы Қасым-Жомарт Тоқаев Түркия президенті Режеп Тайып Ердоғанның шақыруымен жұмыс сапарымен Анкараға барады,-деп хабарлайды «Dalamedia» ақпараттық порталы.

Сапар аясында Президент Анталия дипломатиялық форумының ашылу рәсіміне қатысып, панельдік сессияда сөз сөйлейді. Сонымен қатар бірқатар екіжақты кездесулер өткізу жоспарланған.

Анталия дипломатиялық форумы жыл сайын әлемнің саяси көшбасшылары, дипломаттар, сарапшылар, бизнес және медиа өкілдері бас қосатын халықаралық пікірталас алаңы саналады.

Айта кетейік, Қасым-Жомарт Тоқаев Түркияға соңғы рет өткен жылдың 29 шілдесінде жұмыс сапарымен барған болатын. Ол сапарда екі ел басшылары келіссөздер жүргізген.