Анкара қаласына жасаған ресми сапары барысында Қазақстан Республикасының Сыртқы істер министрі Ермек Көшербаев Түркия Президенті Реджеп Тайип Ердоғанмен кездесті.

Кездесу барысында Түркия басшысы Қазақстан мен Түркия арасындағы қарым-қатынастың кеңейтілген стратегиялық серіктестік аясында қарқынды дамып келе жатқанын атап өтті. Сондай-ақ ол екі мемлекет арасындағы көпсалалы ынтымақтастықты одан әрі нығайтудың маңыздылығына ерекше назар аударды.

Өз кезегінде Ермек Көшербаев Реджеп Тайип Ердоғанға Қазақстан Президенті Қасым-Жомарт Тоқаевтың сәлемін жеткізіп, жоғары деңгейде қол жеткізілген келісімдердің іске асырылу барысы жөнінде мәлімет берді.

Тараптар екіжақты байланыстарды тереңдету, сондай-ақ өзара іс-қимылды жаңа бағыттар бойынша дамыту мәселелерін талқылады.