11 сәуірде Президент Қасым-Жомарт Тоқаев АҚШ Президенті Дональд Трампты «Артемида-2» миссиясының сәтті аяқталуымен құттықтады, -деп хабарлайды «Dalamedia» ақпараттық порталы.

Мемлекет басшысы жарты ғасырдан кейін Айға адам қатысқан алғашқы миссияның жүзеге асырылып, ғарышты игерудегі жаңа тарихи кезең басталғанын атап өтті. Ол Президентке құттықтау хатын жолдаған.

«Президент білім көкжиегін кеңейтетін және бүкіл әлемдегі ғалымдар, инженерлер мен зерттеушілердің жаңа буыны үшін шабыт көзі болған америкалық ғылымның серпінді жетістіктерін жоғары бағалады», – делінген мәлімдемеде.

Сонымен қатар Қасым-Жомарт Тоқаев Дональд Трампқа «Артемида» бағдарламасы мен өзге де ғарыштық бастамаларды жүзеге асыруда табыс тіледі.