АҚШ билігі Иранға байланысты әскери шығындарды араб елдерінің өтегенін қалайды — деп хабарлайды «Dalamedia» ақпараттық порталы.

Ақ үйдің баспасөз хатшысы Кэролайн Левитт баспасөз конференциясында журналистердің сұрағына жауап беру кезінде АҚШ президенті Дональд Трамп араб мемлекеттерін бұл шығындарды қаржыландыруға тартуы мүмкін екенін айтқан. Оның айтуынша, бұл мәселеге қатысты нақты шешімдер кейінірек жария етілуі мүмкін.

Сонымен қатар Ақ үй өкілі АҚШ пен Иран арасындағы келіссөздер тоқтамағанын жеткізді. Оның сөзінше, диалог жалғасып жатыр және оң нәтиже беріп келеді.

Вашингтон Иран тарапынан берілген уәделердің орындалуын мұқият бақылауда ұстап отыр.