Куәгерлердің айтуынша, табылған заттардың сыртқы пішіні дрон фрагменттеріне ұқсайды. Полиция тексеру жұмыстарын бастап кетті, ал мамандар нысанның нақты не екенін анықтап жатыр.

Бұл оқиға облыстағы ұшқышсыз ұшу аппараттарының төртінші құлау дерегі болып отыр. Бұған дейін былтыр 19 ақпанда Ұялы ауылы, 19 наурызда Тасқала ауданынан, кейін 25 наурызда тағы бір дрон фрагменттері табылған еді.

Ақжайық ауданының тұрғындары жаңа табылған аппаратты суретке түсіріп, әлеуметтік желіде бөліскен. Полиция дронның құлағанын растады, қазір оқиғаның мән-жайы анықталуда.

Бұған дейін Бөрілі ауданында белгісіз дрон жарылып, Қызылтал ауылы тұрғындары дүр сілкінген. Ал жазда Маңғыстау өңіріне бірнеше дрон құлап, Сол кезде Сыртқы істер министрлігі оқиғаның мән-жайы тексеріліп жатқанын хабарлағанымен, нақты мәлімдеме жасалмаған еді.