Алматы облысында Масақ ауылдық округі әкімінің аппаратында жұмыс істейтін қызметкер 16 жастағы қызды ұрып-соққан іс бойынша күдікті деп танылды. Қазіргі таңда ол уақытша қамауға алынып, қызметінен шеттетілген.
Полицияның мәліметінше, күдікті әйел сыбайласымен бірге жасөспірімді үйінен алдап алып шығып, елсіз жерге апарған. Ол жерде қызды ұрып-соғып, денесіне темекі басып, басын суға батырған. Жәбірленушінің анасының айтуынша, күдіктілер қызға таяқ арқылы да зорлық көрсеткен.
Анасы бұл сұмдықтың себебі қызғаныш болғанын айтты.
«Бұл лауазым мемлекеттік қызметке жатпайды, техникалық персоналға жатады. Қазіргі уақытта әйел уақытша қамауға алынып, сот шешімі шыққанға дейін қызметінен шеттетілді», - деп мәлімдеді әкімдік өкілдері.
Екі әйел де ұсталып, уақытша ұстау изоляторына қамалды. Оларға қатысты қылмыстық іс қозғалды.
DALAMEDIA admin
10
0