Қазақстан мен Чехияның құқық қорғау органдары жеке деректерді заңсыз таратумен айналысқан қылмыстық топтың жолын кесті, -деп хабарлайды «Dalamedia» ақпараттық порталы.

Арнайы операция барысында Чехияның Усти-над-Лабем қаласында, сондай-ақ Астана, Алматы және Қарағандыда бір мезетте тінту жүргізілген. Тексеру кезінде цифрлық тасымалдағыштар мен қолма-қол ақша тәркіленді.

Құзырлы органдардың мәліметінше, аталған топ халықаралық деңгейде әрекет етіп келген. Олар түрлі цифрлық арналар арқылы азаматтардың жеке деректерін заңсыз жинап, таратумен айналысқаны күдікке ілінген.

Қазіргі уақытта тәркіленген материалдар бойынша кешенді сараптама жүргізіліп жатыр. Тергеу органдары қылмыстық топтың өзге де мүшелерін және ықтимал байланыстарын анықтау жұмысын жалғастыруда. Істің барлық мән-жайы тергеу аясында нақтыланбақ.