Чехияның бұрынғы премьер-министрі Андрей Бабиштің айтуынша, бүгінгі сапар Қазақстан мен Чехия арасындағы қарым-қатынасты жаңа деңгейге көтеруге жол ашады, — деп хабарлайды «Dalamedia» ақпараттық порталы.

Оның сөзінше, Қазақстан Чехия үшін стратегиялық маңызды серіктестердің бірі саналады. Ол екі ел арасындағы тауар айналымын арттыруға мүмкіндік мол екенін атап өтті. Әсіресе энергетика саласындағы ынтымақтастықты күшейтуге басымдық берілмек.

«Қазақстаннан ұзақ мерзімді мұнай жеткізуге мүдделіміз. Сонымен бірге атом энергетикасына сүйенетін даму стратегиямыз бар. Осы тұрғыдан алғанда, әлемдегі ірі уран өндіруші ел ретінде Қазақстанға ерекше қызығушылық танытамыз», – деді ол.

Чех тарап Қазақстанның энергетикалық қауіпсіздігі әртараптандырылған қуат көздеріне негізделгенін де жоғары бағалады. Сонымен қатар ол чех компанияларының энергетика саласында бірлескен жобаларды жүзеге асыруға дайын екенін жеткізді.

Андрей Бабиш сондай-ақ Қасым-Жомарт Тоқаевты жаңа Конституцияны қабылдау бойынша өткен референдумның табысты өтуімен құттықтады. Ол бұл қадамды мемлекеттілікті нығайтып, елдің болашақ дамуына жол ашатын маңызды шешім ретінде бағалады.