Жетісу облысының Текелі қаласында көпбалалы әйел күйеуін өлтірді деген күдікпен қамауға алынды ,-деп хабарлайды «Dalamedia» ақпараттық порталы.
Қайғылы оқиға 10 маусымға қараған түні қаладағы жекеменшік үйлердің бірінде болған. Тергеу мәліметінше, ерлі-зайыптылар бірге спирттік ішімдік ішкен сәтте жанжал туындап, соның салдарынан өлімге әкелген жарақат келтірілген.
Күдікті сот шешімімен қамауға алынып, қазіргі уақытта Талдықорған қаласындағы тергеу изоляторында отыр. Қылмыстық іс бойынша сотқа дейінгі тергеу прокуратураның келісімімен жүргізілуде.
Әлеуметтік желілерде әйелдің көпбалалы ана екені және ұзақ жылдар бойы күйеуінен зорлық-зомбылық көргені туралы мәліметтер тараған. Алайда полиция бұл ақпаратты әзірге ресми түрде растаған жоқ.
Айта кетейік, бұған дейін Алматы қаласында 12 жастағы оқушыны пышақтап өлтірді деген күдікпен 13 жастағы жасөспірім ұсталғаны туралы ақпарат тараған.
DALAMEDIA admin
8
0