Атырау облысы Жангелдин ауылында бір отбасының өліміне қатысты қозғалған қылмыстық іс бойынша тергеу аяқталды, -деп хабарлайды «Dalamedia» ақпараттық порталы. Іс бойынша негізгі күдікті Сұлтан Сәрсемәлиев өз кінәсін мойындап, қазір тергеу изоляторында қамауда отыр.

Құзырлы органдардың мәліметінше, жақын күндері іс сотқа жолданады. Тергеу барысында күдіктінің төрт адамның өліміне қатысы барын мойындағаны анықталған. Оған «екі немесе одан да көп адамды өлтіру» бабы бойынша айып тағылып отыр.

Бұдан бөлек, іс аясында ұрлық пен алаяқтық деректері бойынша да қосымша қылмыстық істер тіркелген. Алдын ала мәліметке сәйкес, марқұмдарға тиесілі мал сатылып, банк карталарындағы қаражат шешіп алынған.

Қазіргі уақытта барлық тергеу амалдары толық аяқталып, қылмыстық іс материалдары сотқа жіберуге дайын тұр.