Қазақстандағы бірқатар интернет-ресурстардың жұмысы уақытша баяулағаны белгілі болды, деп хабарлайды «Dalamedia» ақпараттық порталы.

Бұл жөнінде Жасанды интеллект және цифрлық даму министрлігі мәлімдеді. Ведомствоның хабарлауынша, байланыс сапасына әсер еткен жағдай құрылыс жұмыстары кезінде магистральдық талшықты-оптикалық байланыс желісінің зақымдануынан туындаған.

«Қазақтелеком» АҚ ұсынған мәліметке сәйкес, құрылыс техникасы халықаралық интернет-трафиктің негізгі бағыттарының бірін қамтамасыз ететін кабельді бүлдірген. Осыған байланысты мамандар трафикті жедел түрде резервтік арналарға бағыттаған. Соның арқасында байланыс толық үзілген жоқ.

Қазір зақымданған учаскені қалпына келтіру жұмыстары жүргізіліп жатыр.