12 сәуір күні таңертең Екібастұздағы ауруханалардың бірінің травмпунктіне медициналық көмек сұрап келген ер адаммен бірге келген екі мас азамат медицина қызметкерлеріне шабуыл жасаған. Оқиға салдарынан дәрігер мен медбике жарақат алып, ауруханаға жеткізілді,-деп хабарлайды «Dalamedia» ақпараттық порталы.

Алдын ала дерекке сай, ішімдік ішкен жастар дәрігердің ескертуіне ашумен жауап беріп, аурухана ғимаратынан шығудан бас тартқан. Кейін жағдай ушығып, олар кезекші дәрігер мен медбикеге қол көтерген.

Оқиға орнына жеткен полиция үш күдіктіні сол жерде ұстады. Қылмыстық іс қозғалды.

Айта кетейік, бұған дейін медицина қызметкерлеріне жасалған шабуылдар бойынша жауапкершілік күшейтіліп, дәрігерлердің мәртебесі арнайы қорғаудағы қызмет өкілдерімен теңестірілген болатын.