Маңғыстау облысы Жаңаөзен қаласында қызды күштеп алып қашпақ болған бес жігітке сот үкімі шықты, -деп хабарлайды «Dalamedia» ақпараттық порталы.

Сот шешіміне сәйкес, олардың әрқайсысы үш жылға бас бостандығынан айырылды. Қызды еркінен тыс некеге мәжбүрлемек болған әрекеттері бейнебақылау камерасына түсіп, іс бойынша негізгі дәлел ретінде қаралған.

Оқиға өткен жылдың желтоқсан айында болған. Түнде үйіне кіріп бара жатқан қызға бейтаныс бес ер адам шабуыл жасап, күшпен көлікке отырғызбақ болған. Олардың ішінде үшеуі қызды сүйреп әкетуге тырысса, көлік жүргізушісі есік ашып, әрекетке көмектескен.

Алайда қыз қарсылық көрсетіп, айқайлап көмек сұраған. Ақырында ол күштеп алып қашу әрекетіне түспей қалған. Кейін жәбірленуші құқық қорғау органдарына арыз түсіріп, іс адам ұрлау бабы бойынша тергелген. Нәтижесінде бес күдікті де сот үкімімен үш жылға бас бостандығынан айырылды.