1500 теңге қарыз салдарынан жанжал тудырған азамат 3 жылға бас бостандығынан айырылды, – деп хабарлайды «DalaMedia» ақпараттық порталы.

2025 жылдың тамызында Т. Рысқұлов ауданының тұрғыны Б. мас күйінде тұрған жәбірленушіден 1500 теңге қарызын қайтаруды сұраған. Жәбірленуші оны мойнынан ұстап қыса бастаған сәтте төбелес басталып, нәтижесінде сотталушы бірнеше рет соққы жасап, жәбірленушінің төрт қабырғасын сындырған.

Тұрар Рысқұлов ауданының соты денсаулыққа қасақана ауыр зиян келтіру фактісі бойынша азамат Б.-ға қатысты қылмыстық істі қарады (ҚК 106-бабы, 1-бөлігі).

Сот үкімімен Б. кінәлі деп танылып, 3 жылға бас бостандығынан айырылды. Алайда ҚК 63-бабы қолданылып, тағайындалған жаза шартты түрде берілді. Үкім заңды күшіне енді.