Қостанай облысындағы мектептердің бірінде асхана қызметкеріне туберкулез диагнозы қойылды ,-деп хабарлайды «Dalamedia» ақпараттық порталы.
Мамандардың мәліметінше, ол 2023 жылдың тамыз айынан бері мектепте жұмыс істеген. Жұмысқа қабылданар алдында міндетті медициналық тексеруден өтіп, кейін жыл сайын профилактикалық бақылаудан өткен. Сол тексерулерде ауру белгілері анықталмаған.
2025 жылдың қарашасында қызметкер жөтелге шағымданып, дәрігерге жүгінген. Тексеру нәтижесінде диагноз қойылып, науқас ауруханаға жатқызылған. Инфекция көзі науқас адаммен байланыс болуы мүмкін деген болжам бар.
2026 жылдың қаңтары мен ақпанында мектепте санитарлық тексеру жүргізіліп, байланыста болғандар бақылауға алынған. Ғимарат толық дезинфекциядан өтті.
СЭС мәліметінше, туберкулез бойынша карантин енгізілмеген, себебі ауру тек ұзақ әрі тығыз байланыс кезінде ғана жұғады.
DALAMEDIA admin
11
0