Ақтөбеде облыс әкімдігі орналасқан ғимараттан өрт шықты, -деп хабарлайды «Dalamedia» ақпараттық порталы.

Облыстық төтенше жағдайлар департаментінің дерегінше, алты қабатты әкімшілік нысанның шатыры отқа оранған. Құтқарушылар оқиға орнына жеткен сәтте жалын ашық күйде жанып тұрғаны анықталған. Қазір өрттің нақты аумағы есептеліп жатыр.

ТЖД күштері мен техникасы дереу жұмылдырылып, өртті сөндіру жұмыстары үздіксіз жүргізілген. Су беру тұрақты қамтамасыз етіліп, ғимарат ішіндегі адамдар сыртқа шығарылған. Оқиға орнында жедел штаб құрылып, жағдай толық бақылауға алынған.

Алдын ала мәлімет бойынша, зардап шеккендер жоқ. Қазіргі уақытта өрт толық сөндірілгені хабарланды.