Атырау облысында ұшқышсыз ұшу аппаратының қалдықтарына ұқсайтын белгісіз нысан табылды, -деп хабарлайды «Dalamedia» ақпараттық порталы.

Полицияның мәліметінше, күмәнді зат елді мекеннен тыс аумақта анықталған. Қазіргі уақытта мамандар оның нақты қандай нысан екенін анықтау жұмыстарын жүргізіп жатыр.

Құзырлы органдар бұл дерек бойынша бірлескен тексеру шараларын қолға алған. Табылған заттың шығу тегі арнайы қызметтердің қатысуымен зерделенуде.

Алдын ала болжамға сәйкес, бұл нысан ұшқышсыз ұшу аппаратының бөлшектері болуы ықтимал.

Айта кетейік, бұған дейін дәл осындай жағдай Қосшы қаласы маңында да тіркелген болатын. Ол кезде де белгісіз зат табылып, оның мән-жайы тексерілген еді.