АҚШ пен Эквадор билігі ел аумағында есірткі тасымалымен айналысатын қылмыстық топтарға қарсы бірлескен операция жүргізе бастады. Бұл туралы АҚШ Қарулы күштерінің Оңтүстік қолбасшылығы хабарлады.
Ресми мәліметке сәйкес, операция Эквадорда террористік ұйым деп танылған құрылымдарға бағытталған. Тараптар наркобизнеспен, трансұлттық қылмыспен және заңсыз айналымдағы қауіпті заттармен күресті күшейтуді көздеп отыр.
Эквадор ұлттық полициясы да осыған ұқсас ақпаратты растады. Мәліметтерге сенсек, бірлескен әрекеттер аймақтағы қауіпсіздікті тұрақтандыруға бағытталған.
Айта кетейік, 2025 жылы АҚШ әскері өңірде есірткі тасымалдауы мүмкін деген күдікпен бірқатар теңіз операцияларына қатысқан. Сарапшылардың сөзінше, Латын Америкасында картельдерге қарсы қысым күшейген сайын қауіпсіздік ахуалы күрделене түсуі мүмкін.
DALAMEDIA admin
4
0