Қазақстандықтарды қомақты қаржыға алдаған ерлі-зайыпты Жамбыл облысында қолға түсті, -деп хабарлайды «Dalamedia» ақпараттық порталы.
Ішкі істер министрлігінің криминалдық полиция қызметкерлері халықаралық іздеуде жүрген 40 жастағы ер адам мен оның 45 жастағы жұбайын арнайы операция барысында ұстаған. Олар өңірдегі елді мекендердің бірінде таныстарының үйінде бой тасалап жүргені анықталған.
Тергеу дерегінше, күдіктілер адамдардың сеніміне кіріп, түрлі сылтаумен Астана мен Семей қалаларының тұрғындарынан ірі көлемде ақша алған. Жалпы келтірілген шығын шамамен 200 миллион теңгені құрайды.
Белгілі болғандай, ерлі-зайыпты ұзақ уақыт бойы халықаралық іздеуде жүрген. Жедел іздестіру шараларының нәтижесінде олардың нақты жүрген жері анықталып, қолға түсті.
Қазір ұсталғандар уақытша ұстау изоляторына қамалды. Тергеу амалдары жүргізіліп жатыр.
DALAMEDIA admin
13
0