Жарлықта марапат альпинизм саласындағы жоғары жетістіктері, елімізде спортты дамытуға қосқан зор үлесі және қоғамдық жұмыстарға белсенді араласқаны үшін берілгені айтылған. Осылайша Ерванд Тихонович Ильинский жоғары дәрежелі ерекшелік белгісімен марапатталды.
Альпинизм және құзға шығу жөніндегі деректерге сүйенсек, Ерванд Ильинский 1968 жылдан бері КСРО спорт шебері атанған. 1982 жылдан бастап халықаралық дәрежедегі спорт шебері және КСРО-ның еңбек сіңірген спорт шебері атақтарына ие болған.
Ол еңбек жолында бірқатар жауапты қызметтер атқарды: 1973 жылдан бастап ЦСКА құрамында аға жаттықтырушы болды, 1975 жылдан Қазақ КСР-нің еңбек сіңірген жаттықтырушысы атанды, ал 1979 жылдан КСРО-ның еңбек сіңірген жаттықтырушысы ретінде танылды.
Бапкерлік қызметінде Ильинский КСРО мен Қазақстанда жүзден астам спорт шеберін тәрбиелеп шығарған. Олардың қатарында 33 халықаралық дәрежедегі спорт шебері және 23 еңбек сіңірген спорт шебері бар.
DALAMEDIA admin
14
0