Министрдің айтуынша, қызмет бабымен Қазақстанның барлық өңірін аралаған. Ол әр елді-мекендегі судың дәмін байқап көреді. Оның пікірінше, туған жердің суы адам үшін бәрінен жағымды.

«Қайда барсаң да, өз ауылыңның суына жетпейді. Себебі оның дәмінде тек табиғи минералдар ғана емес, адамның балалық шағы, туған жерге деген сағыныш, кіндік қаны тамған топыраққа деген құрмет бар. Сондықтан әркім үшін өз өңірінің суы ерекше көрінеді», – деді министр.

Айта кетейік, Нұржан Нұржігітов Жамбыл облысына сапары кезінде «Мөлдір бұлақ» экологиялық акциясының алғашқы кезеңін бастап, оңтүстік өңірлердегі 28 бұлақта тазалау жұмыстары жүргізілгенін хабарлаған еді.