Италияда өткен «WDO European Amateur Ballroom Solo Championship» халықаралық турнирінде қазақстандық жас биші Алтынай Жұмабай топ жарып, алтын жүлде иеленді, — деп хабарлайды «Dalamedia» ақпараттық порталы.

Алтынай спорттық бал биімен үш жарым жасынан бері айналысып келеді. Жас өнерпаз бүгінде халықаралық деңгейде өз шеберлігін дәлелдеп, қатарынан бірнеше ірі жарыста жеңіс тұғырынан көрініп жүр.

Оның айтуынша, басты мақсаты — болашақта әлемдік деңгейде танылған жаттықтырушы болу. — Хореография академиясына түсіп, кәсіби білім алғым келеді. Қазақтан шыққан білікті жаттықтырушылар аз, сондықтан осы бағытта өз үлесімді қосқым келеді, — дейді ол.

Айта кетейік, Алтынай Жұмабай бұған дейін «The Lion Dance Championship» турнирінде де алтын медаль жеңіп алған. Сонымен қатар 2023 жылы 12 жасқа дейінгі қыздар арасында әлем чемпионы атанып, 2024 жылы Италияда өткен Еуропа біріншілігінде де үздік нәтиже көрсеткен.