Қазақстанда мектеп оқулықтарының мазмұны жаңа Конституцияға сәйкес қайта қаралады — деп хабарлайды «Dalamedia» ақпараттық порталы.

Оқу-ағарту министрі Жұлдыз Сүлейменова айтуынша, қазіргі оқулықтардың көпшілігі 2018–2019 жылдары шыққан және соңғы жылдары мазмұндық тұрғыдан жаңартылмаған. Осыған байланысты олар жаңа заңдық өзгерістер мен заманауи талаптарға сай қайта дайындалады.

Жоспар бойынша:

· 2026 жылы 3, 4, 7, 8, 9 сынып оқулықтары жаңартылады;

· 2027 жылы 1 және 5 сыныптарға арналған жаңа оқулықтар жарық көреді;

· 10–11 сынып оқулықтарының мазмұны қайта қаралады;

· 2028 жылы 2 және 6 сынып оқулықтары жаңадан басылады.

Премьер-министр Олжас Бектенов оқулықтарды жаңарту маңызды екенін атап, жаңа Конституциядағы «Әділетті Қазақстан», «Заң мен тәртіп», «Таза Қазақстан» сияқты қағидаттардың міндетті түрде енгізілуін қадағалауды тапсырды.