Археолог Айбек Тұрарұлының айтуынша, табылған жәдігерлер арасында металдан, шыныдан және сүйектен жасалған тұрмыстық және сәндік бұйымдар, қыш ыдыстар бар. Ең ерекше жәдігер – XIV–XV ғасырларға тиесілі, Алтын Орда қалашықтарында бұрын кездеспеген қоладан жасалған құлып.

Қазіргі уақытта кешен толық цифрландырылып, әр қазба орнына QR-кодтар қойылған. Туристер код арқылы тарихи нысандар туралы ақпарат ала алады. Сонымен қатар Сарайшықта Қасым ханға арналған ескерткіш салу және қала аумағын қалпына келтіру жұмыстары жүргізілуде.