Балық аулаймын деп, із-түссіз жоғалған балықшы табылды. 1965 жылы туған ер адам Солтүстік Қазақстан облысы, Тайынша ауданының Макашевка мен Октябрьское ауылдары аралығындағы Құмдықөл көлінде жоғалып кеткен еді, – деп хабарлайды «Dalamedia» ақпараттық порталы.

Жеңіл көлікпен балыққа шыққан ол жолдың қиындауынан кері қайта алмаған. Оқиға орнына жіберілген құтқару тобы балықшыны тауып, Макашевка ауылындағы жылыту пунктіне жеткізді.

Төтенше жағдайлар қызметі тұрғындарға ауа райы мен жол жағдайын ескеріп, шалғай аумаққа шыққанда байланыс құралдарын өзімен бірге алуға кеңес береді. Қиын жағдай туындаса, «112» нөміріне хабарласуға болады.