Иран аумағында жасалған шабуылдар салдарынан қаза тапқандар саны 555 адамға жетті,-деп хабарлайды «Dalamedia» ақпараттық порталы Иранның Қызыл Жарты Ай ұйымы деректеріне сілтеме жасап.
Ұйымның мәліметінше, ел аумағындағы кемінде 131 қала шабуылға ұшыраған. Соққылар салдарынан бейбіт тұрғындар арасында адам шығыны көбейіп, көптеген азамат түрлі деңгейде жарақат алған.
Қазір құтқару қызметтері мен медицина мамандары зардап шеккен аймақтарда жұмысын жалғастырып жатыр. Жараланғандарға шұғыл медициналық көмек көрсетілуде, ал қаза тапқандар мен зардап шеккендердің нақты саны әлі де нақтыланып жатыр.
Иранның Қызыл Жарты Ай ұйымы елдегі ахуалдың күрделі күйде қалып отырғанын атап өтті. Кей өңірлерде инфрақұрылымның зақымдануына байланысты гуманитарлық көмекті жеткізу жұмыстары қиындаған.
DALAMEDIA admin
Бүгін, 17:00
Әлем