Кентау қалалық полиция бөліміне жергілікті тұрғын хабарласып, зергерлік шеберхана-дүкеннің есігін бұзып кірген белгісіз тұлғалар алтын бұйымдарды ұрлап кеткенін айтты, – деп хабарлайды «Dalamedia» ақпараттық порталы.

Тергеу барысында ұрлық салдарынан келтірілген жалпы шығын шамамен 9 миллион теңгені құрады. Полиция қызметкерлері бейнебақылау камераларының жазбаларын және басқа да айғақтарды зерттей отырып, күдіктінің ізіне түсті.

Жедел іздестіру барысында бұрын сотталған жергілікті тұрғын ұсталды. Ұсталған күдіктіден ұрланған ақшаның бір бөлігі мен басқа да заттай айғақтар тәркіленді. Ол өз кінәсін мойындап, уақытша ұстау изоляторына қамалды. Қазіргі таңда сотқа дейінгі тергеу амалдары жүргізілуде.