Алматы облысы, Бесағаш ауылында табиғи апат салдарынан 270 миллион теңгеден астам шығын келген, – деп хабарлайды «Dalamedia» ақпараттық порталы Tengrinews.kz сайтына сілтеме жасап.

7-8 ақпандағы жаңбыр салдарынан топырақ ылғалданып, тау етегі төмен сырғыған. Нәтижесінде жеке тұрғын үйлердің ауласындағы бастырма мен көлікке зақым келген. Зардап шеккен адамдар жоқ.

Тұрғындардың айтуынша, мұндай жағдай 2024 жылы да болған. Кейбір үйлер қауіпті деп танылғанына қарамастан, әкімдік тек таудан келер қауіпті сейілтуге ғана қаржы жұмсаған.

Әкімдік өкілдерінің айтуынша, қауіптің алдын алу үшін инженерлік жұмыстар жүргізілген: қорғаныс қабырғалары салынған, таудың каскадтық кесіндісі жасалған, дренаж және су ағызу жүйесі орнатылған. Бұл шараларға екі кезеңде жалпы 269 миллион 706 мың теңге бөлінген.

Араға екі жыл салып, қайта орын алған апат салдарынан бір тұрғын үй зақымданған. Қазір Баянауыл көшесінің тұрғындары өтемақы төлеуді сұрап отыр, бірақ ресми шешім әлі қабылданбаған.

Әкімдік тұрғындарды қауіпсіз үйлерге көшіру жұмыстарын жүргізуде. Нақты деректер әзірге белгісіз.