Павлодарда жылжымайтын мүлік сатудан түскен табысын салық есебіне қоспаған құрылыс компаниялары анықталды, – деп хабарлайды «DalaMedia» ақпараттық порталы.

Прокурорлар тексеріс барысында компаниялардың мүліктік мәмілелерді декларацияда көрсетпей, табысын жасырып отырғанын анықтаған. Мәселен, құрылыс ұйымдарының бірі тұрмыстық қызмет көрсетуге арналған 43 нысанды сатқанымен, бұл деректер салық есептілігіне енгізілмеген. Соның салдарынан 77,8 млн теңге көлемінде корпоративтік табыс салығы төленбеген.

Осындай заңбұзушылықтар тағы 12 құрылыс компаниясының қызметінен анықталған. Қадағалау шараларының нәтижесінде бюджетке 120 млн теңге өндіріліп қайтарылды. Прокуратура бұл бағыттағы жұмыс әлі де жалғасатынын хабарлады.