Әлеуметтік желіде танымал әнші Ерболат Құдайбергенге қатысты бейнежазба тарады. Қызу талқыға түскен видеода Ерболат Құдайбергеновті полиция қызметкерлері ұстап, наркологиялық орталыққа алып бара жатқан сәті көрсетілген.

Қазір видеодағы адамның нақты кім екені, оқиғаның қай жерде және қандай жағдайда болғаны ресми түрде расталған жоқ. Ерболат Құдайбергеновтің өзі не оның өкілдері тарапынан да түсініктеме берілген жоқ.

Авторлардың айтуынша, видеода әншіге келбеті ұқсайтын азаматтың «жасырын затты» іздеп жүргені таспаланған. Алайда бұл мәліметтер расталған жоқ.

Еске салайық, Ерболат Құдайбергенов — «Мен қазақпын», «Жігіттер» әндерімен көпшілікке танылған эстрада әншісі. Сондай-ақ ол YERBolat деген сахналық атпен де белгілі.