Қасым-Жомарт Тоқаев премьер-министр Олжас Бектеновті қабылдап, елдің әлеуметтік-экономикалық жағдайы жөніндегі есепті тыңдады.
Үкімет басшысы президентке биылғы жылдың алдын ала нәтижелері мен бұрын берілген тапсырмалардың қалай орындалып жатқанын баяндады.
Олжас Бектеновтің айтуынша, экономиканы әртараптандыру нәтижесінде ішкі жалпы өнім өсімінің 70 пайыздан астамы өнеркәсіп, сауда және көлік салалары есебінен қамтамасыз етілген.
Негізгі капиталға салынған инвестиция көлемі 18,5 триллион теңгеге жетсе, жеке инвестициялардың үлесі 9,8 пайызға артқан.
- Негізгі мақсат - халықтың нақты табысын көбейтіп, тұрмыс сапасын жақсарту. Осы бағытта инфляцияны төмендету шаралары қарастырылып жатыр, – деді премьер-министр.
Сондай-ақ ол 2026 жылғы дала жұмыстарына қаржы бөлу ерте басталғанын айтты. Бұл егіс көлемін сақтауға, ауыл шаруашылығы өнімдерін өңдеу мен экспортты арттыруға мүмкіндік бермек.
Кездесу соңында Қасым-Жомарт Тоқаев үкіметке елдің тұрақты дамуын қамтамасыз етуге бағытталған жұмысты жалғастыруды тапсырды. Сонымен қатар инвестиция тарту, кәсіпкерлікті қолдау және инженерлік пен көлік инфрақұрылымын жаңғырту бойынша нақты міндеттер жүктеді.
DALAMEDIA admin
Бүгін, 19:01
Әлем