Павлодар облысында дәрігерлер 10 жастағы баланың басынан бес жыл бұрын кіріп кеткен бұтақтың бір бөлігін алып тастады. Таңғаларлық жағдайды облыстық балалар ауруханасының мамандары мәлімдеді.
2015 жылы туған бала бірнеше жыл бұрын бұтаққа құлап, басынан жарақат алған. Ол кезде жара тек өңделіп, тігілген. Алайда жара бір жыл бойы қабынып жүрген. Тексеру барысында дәрігерлер бас сүйек ішінде бөгде зат болуы мүмкін деген күдікке келген.
Соңғы 2-3 айда баланың жағдайы қайта мазалай бастаған. Компьютерлік томография нәтижесінде басында кальцийленген бөгде түзіліс анықталып, шұғыл түрде ота жасалған. Ота кезінде дәрігерлер бұтақтың бір бөлігін толық алып шыққан.
Қазір баланың жағдайы тұрақты. Ол ауруханадан шығаруға дайындалып жатыр.
DALAMEDIA admin
Бүгін, 19:01
Әлем