Айта кетейік, Қазақстанда балаларды зиянды ақпараттан қорғау жүйесі «Балаларға олардың денсаулығына және дамуына зиян келтіретін ақпараттан қорғау туралы» ҚР Заңы негізінде қалыптасқан. Бұл құжат мемлекеттік органдардың өкілеттіктерін, мониторинг, талдау және қауіпті контентті бұғаттау тетіктерін айқындайды.

Аталмыш шара балалардың цифрлық ортаға тәуелділігі артып, виртуалды кеңістікке терең бойлауына, ондағы контентің тым көптігі мен бала қауіпсіздігін қамтамыз етуге бағытталған шаралардың бірі.

— Ата-ананың бақылауы ерекше мәнге ие. Бала қандай сайттарға кіретінін, қандай видеолар көретінін, интернетте кіммен сөйлесетінін қадағалау қажет. Сондай-ақ құрылғыларға ата-ана бақылауы функцияларын қосу маңызды. Бұл қауіпті контентті дер кезінде байқап, баланы қорғай алады, — деп атап өтті ҚР Оқу-ағарту министрлігі Балалардың құқықтарын қорғау комитетінің төрайымы Насымжан Оспанова.

Еске сала кетейік, 2022 жылы заңнамаға «буллинг» және «кибербуллинг» ұғымдары енгізілді. Ал 2024 жылдан бастап травля үшін әкімшілік жауапкершілік қарастырылған.

Осы жылдың он айында:
339 әкімшілік іс тіркелген;
198 адам буллинг үшін жауапқа тартылған