Ақтаудағы дәмханалардың бірінде келушілердің бірі қарудан жарақат алды. Оқиға 8 шілдеге қараған түні сағат 01:00 шамасында болған, — деп хабарлайды «Dalamedia» ақпараттық порталы.

Маңғыстау облыстық полиция департаментінің мәліметінше, белгісіз адам кафе ішінде отырған азаматтың бет тұсына оқ атқан. Күдікті көп ұзамай ұсталды.

Зардап шеккен ер адамға медициналық көмек көрсетілді. Қазіргі таңда оның өміріне қауіп төніп тұрған жоқ.

Аталған дерек бойынша сотқа дейінгі тергеу басталды. Оқиғаның басқа да мән-жайлары мен қатысушылардың әрекетіне қатысты құқықтық баға тергеу аяқталғаннан кейін беріледі.