Қазақстанда ветеринария саласын дамытуға арналған жаңа жоспар бекітілді, -деп хабарлайды «Dalamedia» ақпараттық порталы.

Құжатқа сәйкес, ветеринар мамандардың жалақысы 1,5 есеге, яғни 50 пайызға дейін ұлғайтылмақ. Сонымен бірге саланың материалдық-техникалық базасын жаңарту көзделіп отыр.

Жоспарда ветеринарлық-санитарлық қауіпсіздікті күшейту, жануарлар арасында тарайтын қауіпті ауруларға қарсы шараларды арттыру және цифрлық технологияларды енгізу бағыттары қамтылған.

Сонымен қатар, өңірлердегі ветеринариялық қызметтердің жұмысын жетілдіру, мамандардың біліктілігін арттыру және саланы заманауи талаптарға бейімдеу шаралары да қарастырылған