Елордада №50 мектептің мұғалімі Айгүл Ержанова 13,5 тонналық автобусты тартып, жаңа рекорд жасады, ,-деп хабарлайды «Dalamedia» ақпараттық порталы.

55 жастағы ұстаз бұл жетістікке арнайы ұйымдастырылған іс-шара барысында қол жеткізген. Рекордты ресми тіркеу үшін қаладағы №1 автопарк өз автобусын ұсынған.

Азия және Африка елдері бойынша әлемдік рекордтарды тіркеу ұйымының өкілі Қуандық Құдайбергеновтің айтуынша, бұған дейін мұндай бағытта рекордтар тіркелгенімен, 50 жастан асқан әйелдер арасында ауыр салмақтағы автобусты сүйреу көрсеткіші алғаш рет тіркеліп отыр.

Айта кетейік, Айгүл Ержанова бұған дейін де күш сынап көрген. Былтыр ол жалпы салмағы 8 тонна болатын екі пикап көлігін 57 метр қашықтыққа тартқан болатын.