Қазақстанда киелі орындар мен тарихи-мәдени ескерткіштерді есепке алу және билет сату жүйесі біртіндеп цифрлық форматқа ауысып жатыр.

Қожа Ахмет Ясауи кесенесі, Арыстан баб кесенесі, Қарахан кесенесі, Айша бибі кесенесі және Отырар қалашығы аумағында жаңа технология енгізіліп, билет сату мен келушілерді тіркеу толықтай электронды форматқа көшірілді. Жаңа жүйе есеп жүргізудің ашықтығын арттырып, келушілер ағынын нақты бақылауға мүмкіндік беріп отыр.

Мамандардың айтуынша, бұл өзгеріс тарихи нысандарды басқару ісін жүйелеуге және туристерге қызмет көрсету сапасын жақсартуға бағытталған маңызды қадам саналады.

Шерхан Талап мәліметінше, жыл соңына дейін QR-билет жүйесі елдегі басқа да музейлер мен мәдени нысандарға кезең-кезеңімен енгізіледі.