Әлеуметтік желіде қала үстінде әскери ұшақтардың ұшып жүргені түсірілген видеолар таралып жатыр. Осыған байланысты Қорғаныс министрлігі ресми мәлімдеме жасады, — деп хабарлайды «Dalamedia» ақпараттық порталы.
Ведомствоның мәліметінше, қазіргі уақытта Қазақстан аумағында әскери авиацияның қатысуымен жоспарлы оқу-жаттығу шаралары өтіп жатыр. Осыған байланысты елдің бірқатар өңірінде әскери ұшақтардың ұшуын тұрғындар жиі байқауы мүмкін.
Министрлік өкілдері әскери техниканың ұшуы алаңдауға себеп емес екенін айтып, азаматтарды жалған ақпарат таратпауға шақырды.
Сондай-ақ ведомство тұрғындарға тек ресми дереккөздерге сенуге кеңес берді. Қорғаныс министрлігі барлық жаттығулар бекітілген жоспарға сәйкес жүргізіліп жатқанын атап өтті.
DALAMEDIA admin
8
0