Ақтөбе облысына қарасты Кеңқияқ ауылдық округінің бұрынғы әкімі Қуанышбек Серікжанов 4 мамыр күні өз еркімен жұмыстан босату туралы өтініш жазған. Келесі күні ол ресми түрде қызметінен шығарылған. Ал 6 мамыр күні таңертең оның денесі өз үйінен табылған, — деп хабарлайды «Dalamedia» ақпараттық порталы».

Оқиға орнына барған құқық қорғау органдары марқұмның 1983 жылы туғанын нақтылады. Қазір бұл дерек бойынша тергеу басталған.

Полиция департаментінің мәліметінше, оқиғаның барлық мән-жайы анықталып жатыр. Тергеу мүддесіне байланысты өзге ақпарат әзірге жария етілмеген.

Қуанышбек Серікжанов мемлекеттік қызметте 2013 жылдан бері еңбек етіп келген. Ол Кеңқияқ ауылдық округінің әкімі қызметін 2023 жылдан бастап атқарған.