Қазақстанда неке саны ең көп тіркелетін қала анықталды. Биыл жыл басынан бері Алматыда 4 600 жаңа отбасы құрылған, -деп хабарлайды «Dalamedia» ақпараттық порталы.

Статистикаға сүйенсек, Алматыда күн сайын орта есеппен 70 жұп некесін қияды. Осы көрсеткіш бойынша мегаполис елде көш бастап тұр.

Қалада әйелдер көбіне 29 жасында тұрмысқа шықса, ер азаматтар 32 жасында шаңырақ көтереді. Биыл некесін тіркеген ең егде жастағы күйеу жігіт 92 жаста болған. Ал ең жас жұптың жасы небәрі 16-да.

Сонымен қатар, неке саны жоғары болғанымен, ажырасу көрсеткіші де аз емес. Жыл басынан бері Алматыда 934 жұптың некесі бұзылған. Орта есеппен ерлер 39 жасында, ал әйелдер 37 жасында ажырасуға шешім қабылдайды.

Еске салайық, бұған дейін Қазақстанда заңсыз неке қиятын имамдарға 8 жылға дейін жаза қарастыру ұсынылғаны хабарланған еді.