Алматы қаласында көптен бері сөз болып келген крематорий іске қосылды,-деп хабарлайды «Dalamedia» ақпараттық порталы. Бұл – Қазақстандағы алғашқы әрі әзірге жалғыз нысан. Ол қалалық патологоанатомиялық бюро құрамында жұмыс істейді.

Мекемеде орнатылған екі пеш заманауи көпсатылы сүзгі жүйесімен жабдықталған. Соның арқасында сыртқа иіс те, түтін де шықпайды. Бір рәсімнің ұзақтығы шамамен екі сағатқа созылады. Нысан тәулігіне орта есеппен сегіз мәйітті қабылдай алады.

Марқұмның жақындары үшін арнайы қоштасу залдары қарастырылған. Туыстар рәсім барысын өздері бақылауға да мүмкіндік алады. Бұл жерде қызмет ететін мамандардың барлығы шетелде арнайы дайындықтан өткен.