Теміртау мен Қарағанды қалаларында сәуір айында қар жауып, тұрғындарды таңғалдырды,-деп хабарлайды «Dalamedia» ақпараттық порталы.

Жергілікті жұрттың айтуынша, түнде жауған қар таңға дейін жерді ақ көрпеге орап үлгерген. Әлеуметтік желілерде тұрғындар фото мен видеолар бөлісіп, тосын ауа райын қызу талқылап жатыр. Бірі мұны қалыпты құбылыс десе, енді бірі әзілге айналдырып, түрлі пікір жазуда.

Кейбір тұрғындар қардың пайдасын да атап өткен. Олардың сөзінше, қар көктемгі шаңды басып, ауаны тазартып жіберген. Ал мамандар бұл құбылысты өңірге келген суық ауа толқынымен байланыстырады. Соның әсерінен жауын-шашын қар мен жаңбыр түрінде түскен. Астанада бұл жолы қар жаумаған.