Түркістан облысында қызғалдақтар өсіп тұрған алқапта трактордың жер жыртып жүрген видеосы әлеуметтік желіде қызу талқыланып жатыр, -деп хабарлайды «Dalamedia» ақпараттық порталы.

Желіге тараған кадрлар көптің көңілін алаңдатты. Пікір білдірушілер сирек кездесетін гүлдерге зиян келді ме деген сауал көтеріп, наразылық танытты.

Алайда Ордабасы ауданы әкімдігі жағдайға қатысты түсініктеме берді. Видеодағы жер телімі жекеменшікке қарайды. Аталған аумаққа бидай егілген. Соңғы уақытта қызғалдақты тамашалауға келген адамдар егінді таптап, зиян келтірген. Осыған байланысты жер иесі тиісті рұқсат алып, өз аумағына баратын жолды трактормен жапқан.

Бұл жайтқа өңірлік полиция департаменті де пікір білдірді. Ведомство мәліметінше, қызғалдақтарды жұлу немесе жою дерегі тіркелмеген.