Қазақстанда мемлекеттік саясат тақырыбындағы сериалдарға арналған байқаудың талаптары белгілі болды. Бұл туралы Мәдениет және ақпарат министрлігі хабарлады ,-деп хабарлайды «Dalamedia» ақпараттық порталы.

Қаңтарда жарияланған байқауда бастапқыда нақты шарттар көрсетілмеген еді. Онда тек мемлекет үшін маңызды бағыттарды қамтитын фильмдер мен сериалдар қажет екені айтылған. Атап айтқанда, президент реформалары, рухани құндылықтар, кәсіпкерлік және агроөнеркәсіп салалары.

Вице-министр Евгений Кочетовтың айтуынша, жоба гранттық жүйе бойынша іске асады. Продакшндар өз идеясы мен сметасын ұсынып, арнайы комиссия іріктеу жүргізеді.

Айта кетейік, бұл механизм питчинг форматына ұқсайды. Жобалар алдымен синопсис деңгейінде ұсынылып, кейін пилоттық кезеңге өтеді.