Қазақстанның Денсаулық сақтау министрі Ақмарал Әлназарова мен Жапонияның Қазақстандағы Төтенше және өкілетті елшісі Иидзима Ясусама 1,087 млрд иен, яғни шамамен 7 млн АҚШ доллары көлемінде грант беру туралы келісімге қол қойды.

Бөлінген қаражат Абай облысындағы медициналық инфрақұрылымды дамытуға бағытталады. Атап айтқанда, грант есебінен Семей медицина университетінің клиникалық госпиталі үшін жоғары технологиялық медициналық жабдықтар сатып алынбақ.

Бұл жоба өңірдегі денсаулық сақтау жүйесінің материалдық-техникалық базасын нығайтып, медициналық қызметтің сапасын арттыруға мүмкіндік береді.