Әлемдік қаржы нарықтарында алтын құны бұрын-соңды болмаған межеге жетті. Алғаш рет оның бағасы унциясына 3600 АҚШ долларынан асып түсті. COMEX биржасындағы желтоқсандық фьючерстер 3616,9 долларға дейін көтеріліп, кейін 3600 доллар шамасында тұрақтады.

Бағаның осылайша үш күн қатарынан өсуіне бірнеше фактор әсер етті. Сарапшылардың айтуынша, АҚШ Федералдық резерв жүйесінің пайыздық мөлшерлемелерді төмендетуі мүмкін деген болжамдар, сондай-ақ геосаяси және экономикалық тұрақсыздық негізгі себеп болып отыр.

Қаржы сарапшылары «алтын раллиі» әлі жалғасуы ықтимал екенін болжайды. Өйткені алтын барған сайын капиталды қорғаудың сенімді құралы әрі инвестициялық портфельді әртараптандыру тетігі ретінде қарастырылып отыр.