Ұлттық банк төрағасы Тимур Сүлейменов доллар бағамының төмендеу себептерін түсіндірді, — деп жазады «Dalamedia» ақпараттық порталы.

Оның айтуынша, теңге нарықта нығайып келеді. Сондай-ақ, ол мұның қалыпты үдеріс екенін тілге тиек етті. Сонымен қатар, мұнай бағасының өсуі де өз септігін тигізгенін жеткізді. Осы жайт доллар бағасының түсуіне де әсер еткен.

Тимур Сүлейменовтің сөзінше, бұл жағдайда шетел валютасымен қор жинайтын азаматтарға қатысты «ұтты» немесе «ұтылды» деп нақты айту қиын. Оның айтуынша, Ұлттық қор активтері де доллармен сақталады.

Сонымен бірге, өткен жылы теңге жоғары табыстылық көрсеткішін көрсеткен. Халықаралық бағалаулар бойынша да теңге — тартымды валюталардың қатарында. Бұл, өз кезегінде, инвестиция тартуға ықпал етеді.