Мәжіліс депутаты Қарақат Әбденнің көпшілік алдында сәлем салған видеосы әлеуметтік желі қолданушылары арасында қызу талқыға түсті, -деп хабарлайды «Dalamedia» ақпараттық порталы.

Депутат әлеуметтік желідегі парақшасында күйеуінің Қызылорда облысынан екенін айтып, сахнада қызылордалықтарға сәлем берген сәтінен видео жариялады.

Желі қолданушылары бұл жағдайға қатысты түрлі пікір білдірді. Оқырмандардың бір бөлігі депутаттың ұлттық дәстүрге құрмет көрсеткенін атап өтіп, оң бағасын берді.

Ал енді бір топ мұндай әрекеттің ресми іс-шара форматымен үйлеспейтінін айтып, депутаттың қоғамдық ортадағы әдеп нормаларын сақтау қажеттігін алға тартты.

Жарияланған видео әлеуметтік желіде кеңінен тарап, қызу пікірталасқа себеп болды.