Қазақстанда энергия тапшылығын азайту және жылу-электр қуатын тұрақтандыру мақсатында бірқатар ірі жобалар жүзеге асырылып жатыр,-деп хабарлайды «Dalamedia» ақпараттық порталы.

«Самұрық-Энерго» компаниясының мәліметінше, Көкшетау, Семей және Өскемен қалаларында жаңа жылу электр орталықтарының құрылысы жүргізілуде. Жобалар кезең-кезеңімен іске қосылады.

Көкшетауда салынып жатқан орталықтың қуаты сағатына 820 Гкал болады. Қазіргі уақытта құрылыс алаңында инфрақұрылым дайындалып, негізгі жұмыстар жалғасып жатыр. Нысан 2029 жылдың бірінші тоқсанында пайдалануға берілмек.

Ал Семей мен Өскемен қалаларындағы жылу электр орталықтары 2029 жылдың төртінші тоқсанына дейін іске қосылады. Қазіргі таңда бұл жобалар бойынша EPC-келісімшарттар жасалған.