Қазақстан 2027 жылдың алғашқы тоқсанына дейін электр қуатының ішкі сұранысын толық жабуды көзделуде. Осылайша 2029 жылға қарай елде тұрақты артық қуат қалыптасады. Бұл туралы Энергетика министрлігі хабарлады.

Министр Ерлан Ақкенженовтің айтуынша, қазіргі уақытта көмірлік генерацияны дамыту жобасы қолға алынған. Жоба «таза көмір» технологиясына негізделіп, жаңа станциялар салынады: Курчатов қаласында және Екібастұздағы ГРЭС-3. Сондай-ақ бар инфрақұрылым жаңартылып, 2026 жылы қосымша 2,6 мың МВт жаңа қуат көздері іске қосылады.

Бүгінгі таңда энергетика саласында 81 жоба жүзеге асырылуда. Олардың жалпы қуаты 15,3 ГВт, жалпы құны 13,1 трлн теңге (шамамен 26,3 млрд доллар). Оның ішінде 30 жоба дәстүрлі генерацияға, 51 жоба жаңартылатын энергия көздеріне бағытталған.

Қазақстанның энергетика жүйесі 241 қуат көзінен тұрады, оның 162-сі жаңартылатын энергия көздері болып есептеледі. 2024 жылы министрлік пен энергетикалық компаниялар арасында 14 инвестициялық келісім жасалған, ал 2025 жылы тағы екі жоба қосылды. Бұл инвесторлардың қызығушылығының артып, саланың экономикалық тартымдылығының қалпына келгенін көрсетеді.

Сондай-ақ «Тариф инвестицияға қарсы» бағдарламасы жаңартылып, жылдық инвестиция қайтарым лимиті 32 млрд теңгеден 428 млрд теңгеге дейін ұлғайтылды. Қазіргі уақытта 25 инвестициялық келісім жүзеге асырылуда.

Перспективалы жобалардың бірі – Каспий теңізінің түбіндегі «Жасыл энергетикалық коридор». Бұл жоба Қазақстан, Әзірбайжан және Өзбекстан басшыларының қатысуымен СОР-29 конференциясында бекітілген және өңірлік энергетикалық байланыстарды нығайтуға бағытталған.